2016ko abenduan, Arabako aurrekontuetan aurka bozkatu zuten Podemosek zituen zortzi batzarkideetatik lauk, nahiz eta alderdiak abstenitzeko agindu zien. Ondorioz, Koldo Martin, Daniel Trujillano, Juanjo Celorio eta Javier Bizarro batzarkideak kargugabetu zituen alderdiak. Atzo, Podemoseko Berme Batzordeak lau batzarkideak alderditik kanporatzea erabaki zuen, bere esanetan, bi falta "oso larri" egin dituztelako. Hala ere, alderditik kanporatuak izan arren, batzarkideek ez dute zertan kargua utzi behar, haren kargua izenduna baita.
Datozen egunetan alderdiaren erabakia baloratzeko agerraldia egingo dute lau batzarkideek. Izan ere, erabakia ez da behin-betikoa, eta oraindik errekurritzeko hamabost egun dituztela gogoratu dute.
