Ondarruko Ikastolak 50.urteurrena ospatzeko logotipoa garatzeko lehiaketa abiatu du. Sortzailea bazara eta Ikastolaren irudian zure ekarpena egin nahi baduzu, parte hartu eta bidali zure proposamena.
Logotipoa A4 neurria edo handiagoa izan beharko da eta formatu elektronikoan bidali behar da (pdf-jpg). Ez dago proposamen mugarik, parte hartzaile bakoitzak nahi adina lan aurkeztu ahal ditu. Gainera, euskarri ezberdinetan erabilgarria izatea baliotsiko da (arropa, dokumentu, zigilu...).
Interesatuta bazaude bidali zure proposamena 50urteurrena @ zubizaharherriikastola.eus helbidera, apirilaren 28ra bitartean.Saria nekazalturismo batean egonaldia izango da, bi gau eta gosaria barne direlarik. Txapelketan parte hartu eta gero, lanen jabetza Zubi Zahar herri ikastolarena izango da.
Animatu eta parte hartu!
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.