Barañaingo Udalak eta Sahats fundazioak Bai Euskarari hitzarmena berritu dute

Aurreko apirilaren 7an Barañaingo Udalak eta Sahats Fundazioak Bai Euskararirekin duten hitzarmena berritu dute, tokiko euskararen sustapenaren alde egiteko helburuarekin. Oihaneder Indakoetxea alkateak eta Sahats Fundazioaren ordezkaria den Joxerra Olanok sinatu dute dokumentua.

Udalak 13.500 euro bideratzen ditu Bai Euskarari programa hedatzeko eta Sahats Fundazioak gizarte eragile, entitate eta norbanakoek euskararen aldeko pausoak emateko erabakia hartzeko beharrezko laguntza ematen die.

Gaur egun, 37 entitate dira Barañainen Bai Euskarari Ziutagiridunak, sektore oso ezberdinetako entitateak, hizkuntza maila ezberdinarekin, hobekuntza prozesuan barneratu eta fruituak ikusten ari direnak.