20. Korrika

Korrika aurkeztuko dute gaur Oihanederren

Korrikaren 20. edizioa dela eta Araban egingo diren jardunaldiak aurkeztu dituzte. ALEA

Aurkezpenarekin batera, aurreko edizioetako erakusketa izango da ikusgai.

Gaur goizean Korrikaren 20. edizioa dela eta Araban izango diren jardunaldiak aurkeztu dituzte Aranako AEKn. Egitarauak euskal kultura bultzatzea eta euskara gizartearen esparru guztietara eramatea du helburu. Lehen deialdia gaur arratsaldean izango da, 19:30ean, Oihaneder Euskararen Etxean. Arabako aurkezpen soziala egingo dute eta aurreko edizioen erakusketa izango da ikusgai. Hurrengo astean, berriz, otsailaren 24an, 19:00etatik aurrera izango da Korrika Gala Kubiken.

Materialari dagokionez, salgai egongo da Barnekale Berria-Juduen kaleko (Nueva Dentro) dendan, eta baita AEKko euskaltegietan ere. 

Ibilbideari dagokionez, martxoaren 30ean sartuko da Araban Korrika, Gasteiz, Trebiñu, Añana eta Mendialdetik. Apirilaren 6an Artziniegatik igaroko da, 7an Gorbeialdea eta Aiaratik eta 8an, azkenik, Lautadatik.

Lurralde osoan zehar hainbat ekitaldi izango dira, besteak beste, arratsalde Korrika Pasa Heredian martxoaren 12an, bertso afaria Murgiako Gaztetxean martxoaren 17an, Korrika eguna Maeztun apirilaren 1ean, eta beste hainbat.

Erlazionatuak

Arabako 17 herritatik igaroko da 20.Korrika

Araba

Arabako kuadrilla guztietatik igaroko da, Arabako Errioxatik izan ezik. Gasteiztik, esaterako, martxoaren 30ean igaroko da.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide