alea.eus

20. Korrikaren 'Zirkorrika' abestia aurkeztu dute

Erredakzioa 2016-12-14 12:30   Euskara  Araba

Xabier Zabalak musika jarri die Uxue Alberdiren hitzei, eta besteak beste, Izarok, Pettik, Miren Narbaizak, Jurgi Ekizak eta Oreka TX taldeak parte hartu dute kantan.

Korrika 20ko Zirkorrika abestia eta bideoklipa aurkeztu dute Iruñean. Otxandion hasi eta Nafarroako hiriburuan amaituko den lasterketa alaitzeko abestian musikari ezagunek hartu dute parte.

Xabier Zabala da musikaren egilea, Pirritx, Porrotx eta Marimototsen ohiko kolaboratzailea, eta honek musika jarri die Uxue Alberdiren hitzei. Interpretazioan, aldiz, hainbat abeslari eta musikarik hartu dute parte: Izaro abeslari gaztea, Petti beratarra, Miren Narbaiza Napoka Iria eta beste hainbat proiektutako kantaria, Jurgi Ekiza Willis Drummond-eko abeslaria eta Oihana Fernandez Afu Iruñeko musika-taldeko abeslaria. Jarauta 69 txarangako kideek jarri diote musika, Oreka TXeko kideekin elkarlanean. Doinu balkanikoak gogora dakartzan abestia osatu dute, bizia eta alaia.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa