Guztira, 700 lagunek baino gehiagok parte hartuko dute Bizilagunak programan. Aurreko igandean familia gehienak elkartu ziren. Asteburu honetan, esaterako, Maeztura eta Kanpezura iritsiko da ekimena. Ekimenaren xedea Araban kultura ezberdinen arteko elkarbizitza sustatzea da. Horretarako, etorkinek, errefuxiatuek eta bertako familiek elkarrekin bazkaltzen dute, elkarrekin egon, elkar ezagutu eta zurrumurru xenofoboen oinarria izaten diren aurreiritziak desegiteko. Alea FM irratsaioan programan parte hartu duten Irati Goikok eta Maddalen Agirrek beren esperientzia kontatu digute.