236 langile, elurra kentzeko 36 kamioi eta 65 hortzdun traktore prest dira datozen hilabeteetan Arabako errepide sareko 1.500 kilometroetan izotza eta elurrari aurre egiteko. Aurten, elurra kentzeko bi kamiioi eta gatza biltzeko bost silo estreinatuko dituzte.
Foru Gobernu Kontseiluak gaur onartu du 2016/17 Neguko Bidezaintza Plana. Azaroaren 15ean jarriko da abian, apirilaren 15era arte, 1,2 milioi eurotik 1,5era bitarteko aurrekontuarekin. Garai horretatik kanpo izozteak edo elurteak gertatzen badira, berdin bermatuko du Aldundiak ibilgailuen zirkulazioa. Izan ere, aurreko igandean prebentzio programa abian jarri behar izan zuten, aurreikusitako
Neguko Bidezaintza Planari atxikitako giza taldean 236 profesional ari dira lanean, arduradun, koordinatzaile, gidari eta laguntzaile eta mekanikari: 71 Bide Azpiegituren eta Mugikortasunaren Sailaren beharginak dira, beste 76, ordea, urte osoan errepideak zaintzeaz arduratzen diren enpresetako langileak eta beste 88 kuadrillek jartzen dituzte.
Urtero bezala, gatza eta gatzuna erabiliko dute errepidean izotza sor ez dadin eta hura arinago urtu dadin. 2.840 tona gatz eta 410.000 litro gatzun biltzeko gaitasuna dute Aldundiako instalazioek, izan ere, handitu dute gatza biltzeko silo sarea, besteak beste, Asparreneko industrialdean, Dallok AP-1 autobidearekin duen lotunean eta AP-1 autobideak Lukun duen ordainlekuan kokatu dituzten biltegiekin.
Prebentzioa eta larrialdiak
Herritarrek, bidaian abiatu aurretik, hemen jakin dezakete Arabako errepideen eta mendateen egoera: www.araba.eus, Errepideen Kontrol Zentroaren 945217272 telefonoa eta errepide sarearen informazio panelak.