Errenteriako Udalak Bai Euskarari Ziurtagiria duten entitateei zuzenduriko diru laguntza deialdia zabaldu du

Errenteriako Udalak 2016ko diru laguntza deialdia zabaldu du, Bai Euskarari Ziurtagiria lortzen duten entitateei zuzendurikoa. 

Errenterian errotutako edozein pertsona fisiko edo erakunde juridiko pribatuek jaso ahal izango dute laguntza ekonomikoa. Eskaera onartzeko baldintza izango da Bai Euskarari Ziurtagiria lortu izana eta dagokion kuota ordaindua edukitzea. Era berean, eskaera egin eta aurrera eramateko, beharrezkoa da Udaleko eranskinean adierazten den dokumentazioa aurkeztea: kontu korronte bat irekia duenaren egiaztagarria, Bai Euskarari Ziurtagiria lortu izanaren agiria eta dagokion kuotaren ordaingarria.

Informazio gehiagorako, ikus Errenteriako Udalaren eranskina: Errenteriako Udala - Diru laguntza deialdia