Lehenbadiziko aldiz Arabako Aldundiak Gorbeiako parke naturalean oreinen marrualdia ikusteko bisita gidatuak eskainiko ditu. Hiru ikustaldi antolatu dira; irailaren 23an, 30ean eta urriaren 1ean, hain zuzen ere, hamabost pertsonako talde murriztuetan. Guztira, 45 lagunek izango dute aukera bisita egiteko eta dagoeneko, leku guztiak beteta daude.
Jarduera honetan parte hartzen dutenek oreinen birsorkuntza portaera ikusi ahal izango dute berezko begiraleku batetik, espezializatutako gidariek lagundurik. Ikustaldia hamar kilometroko ibilbide batean egingo da eta lau orduko iraupena izango du. Horrez gain, hobeto ikusteko teleskopio eta prismatikoak erraztuko dizkiete parte-hartzaileei.
Trafikoa murriztuta
Oreinen ernaldia irauten duen bitartean, Aldundiak ibilgailuen trafikoa murriztu du Gorbeiako parke naturalean. Asmoa da ernaldian oreinen sakabanaketa geografikoa ekiditea, eta hautaketa naturala bultzatzea, kanpoko asaldurak ahalik eta gehien murriztuz. Debekua datorren urriaren 9ra arte egongo da indarrean.