Begitara begira - Vendetta

Begitara begira – Vendetta

Jaitsi zaitez palkutik momentutxo batez
ta hartu lekua ene lagunen artean.
Begiraiguzu denoi zuzen begitara
azalpena ugar zor dizkiguzu ta.
Esaiguzu hizkuntza hau ez dela geurea
herri faltsu bat izan dugula maite.
Geure arteko besarkada ta malkoak
lekuz kanpo sentitzen dituzun horrek.

Begitara begira
begitara begira
lekuz kanpo gaudela esaiguzu
begitara begira
begitara begira
lekuz kanpo gaudela esaiguzu

Zeure palku-kideek entzun ez dezaten
uzkurtu eta esaidazu belarrira
bizi-bizirik dela ez al duzun ikusten
neurea ta neure lagunen herria
Zoritxarrez badakit galderen kantu hau
entzungo duen azkena zeu zarela.
Beraz amestuko dut kalean topatu
ta honakoa oihukatuko dizudala

Begitara begira
begitara begira
lekuz kanpo gaudela esaiguzu
begitara begira
begitara begira
lekuz kanpo gaudela esaiguzu

Lurretik lorera, loretik bihotzera
legetatik urrun, malkotatik gertu
esaidak lagun, eskutik helduta begitara
herrian zutik jarraituko diagula

Begitara begira
begitara begira
lekuz kanpo gaudela esaiguzu
begitara begira
begitara begira
lekuz kanpo gaudela esaiguzu (x2)

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide