Gaur emango diegu hasiera Bilboko Aste Nagusiari, 19:00tako txupinazoarekin batera. Dena prest dago abuztuaren 28a arte iraungo duen asteari sua emateko: musika, antzerkia, txikientzako eremuak, folklorea, su artifizialak... asteko egun bakoitzean, edozein unetan, ondo pasatzeko aukera zabala ekarriko dizkigute jaiek. Oraindik ez baduzu egitaraua ezagutzen, hemen duzu programa osoa.
Horrekin batera, aste honetan euskara Bilboko plazetara eramatera animatu nahi dizuegu, jaiak hizkuntzarekin gozatzea. Eta, horretarako, denda, taberna, jatetxe, zerbitzu... hauek proposatzen dizkizuegu; hauek Bai Euskarari Ziurtagiridunen sarea osatzen dute eta haien zerbitzuetan zein egunerokotasunean euskararen alde egiten dute, hizkuntzaren erabilera eta ezagutza partekatuz. Beraz, edozein dela zeure behar edota nahia, hona hemen alor ezberdinetako proposamenak, Bilboko Aste Nagusi honetan ezeren faltarik ez somatzeko.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.