Datorren larunbatean, Agirrelandako suhiltzaileen etxeak ateak zabalduko dizkie herritarrei, instalazioak eta euren lana ezagutu dezaten.
Goizeko 10:30etik 13:30era izango da eta bertaratzen direnek Prebentzio, Su Itzaltze eta Salbamendu Zerbitzuak lanean erabil ohi duen materiala ezagutu ahalko dute, eta erakustaldiak ikusi. Orobat, bertan dituzten ibilgailuen erakusketa egingo dute eta besteak beste, Magirus antzinako kamioia izango da ikusgai. 11:00etan, zirkulazio istripuan harrapatutako pertsonak askatzeko maniobra egingo da eta ordu bete beranduago, altuerako maniobrak egingo dira. Txikienentzako gaztelu puzgarriak izango dira jardunaldi osoan.