Barron-Añanako Urtegiari Ez plataformak mahai-ingurua antolatu du gaur, arratsaldeko 19:00etan Aldabe gizarte etxearen ekitaldien aretoan.
Ekitaldian parte hartzera gonbidatuta daude alderdi politikoen Arabako hautagaiak Diputatuen Kongresura, hain zuzen Juantxo Lopez de Uralde (Unidos Podemos), Borja Monje (Partido Popular), Juan Carlos Medina (Eusko Alderdi Jeltzalea), Julia Liberal (Partido Socialista), Mikel Otero (EH Bildu) eta Rodrigo Zamora (Ciudadanos). Estibaliz Ruiz de Azua kazetaria izango da moderatzailea.
Plataformaren bozeramaileek herritar guztiei ekitaldian parte hartzera dei egiten diete: "Egitasmoaren inguruan ditugun galdera eta zalantza guztiak mahai gainean jartzeko aukera egonen da", azaldu dute.