Datorren ostegunean, hilak 2, Pilota jaialdiaren IV.edizioa ospatuko dute Zaramagako frontoian. Hitzordua 18:00etan hasiko da eta beteranoen partiduekin batera, emakumeen arteko esku pilota ikusteko aukera izango da. Horrez gain, pilotari profesional ohiak ere etorriko dira Gasteizera.
Modu honetan, antolatzailea den Zaramaga Pilota elkarteak presentzia handiagoa eman nahi dio emakumeen pilotari.
Jaialdiari hasiera emateko, Domenzain- Martinez de Lagran eta Marin-Ona bikoteek beteranoen partidua jokatuko dute. Ondoren, emakumeen txanda izango da, zehazki, Zubiar-Iturbide eta Fonseca-Ibarra bikoteak lehiatuko dira. Azkenik, pilotari profesional ohiek amaiera emango diote jaialdiari.