Gauekoak gazteei zuzendutako aisialdi programa bueltan da eta denboraldi berria aurkezteko jaia antolatu du larunbaterako. Ohi bezala, Artium museoan izango da hitzordua.
Arratsaldeko 18:00etatik aurrera, graffitiak, skate eta BMX txapelketa, swing dantzaldia, txalaparta, kotxe klasikoen erakusketa, rol jokoak eta txapa tailerra izango dira. Ondoren, kontzertuak egongo dira, Sonora Jam eta Eratu taldeekin. Horrez gain, SoulFlavas break dance taldeak erakustaldia egingo du.
