Alberto Zerain eskalatzaile arabarrak Dhaulagiriko (8.167 metro) gailurra zapaldu du gaur 06:30ean, bere zortzigarren zortzimilakoa. Hamar ordu baino gehiago behar izan ditu mendizale gasteiztarrak, 2x14x8000 espedizioaren barruan kokatzen den erronka hau lortzeko. Atzo 20:00etan hasi zen Zerain tontorrerako bidea egiten eta 10 ordu eta gero 8.100 metro baino gehiago dituen gailurra zapaldu du. Orduan, kanpamenduarekin jarri da harremanetan eta lortutakoa Juanito Oiarzabali eskaini dio, neumoniak jota, igoera bertan behera utzi behar izan zuena.
2x14x8000 proiektua
Oiarzabal eta Zerain mendizale arabarrek apirilean martxan jarri zuten 2x14x8000 espedizioa, munduko 14 zortzimilakoak birritan igotzea helburu duena. Horretarako Dhaulagiri, Broad Peak, Shisha Pangma eta Nanga Parbat igo beharko dituzte.