Arabako sei herritan babestu dute dagoeneko Eusko Legebiltzarrean onartu zen frackingaren aurkako legea. Amurrio izan zen lehena eta azken egun hauetan Agurainen, Asparrenan, Donemiliagan, Barrundian eta Artziniegan ere onartu dute EH Bilduk aurkeztu zuen mozioa. Madrilgo Gobernuak helegitea jarri ostean aurkeztu zuen EH Bilduk mozio hau. "Onartu den testuan, euskal erakundeek demokratikoki hartutako erabaki oro errespetatu ditzala eskatu dio Espainiako Gobernuari, baina, Auzitegi Konstituzionalak bertan behera utzi du legea", zehaztu du EH Bilduk ohar baten bidez.
Araban frackingaren kontrako jarrera ezaguna dela azpimarratzen du aurrera atera den testuak. "Jendarteak oso era argian erakutsi du ingurumenerako eta osasunerako arrisku larriak dakartzan eta beharrezkoa den energia aldaketa hpotekatzen duen teknika honen aurkako jarrera". Izan ere, 103.000 biztanle baino gehiagok babestu dute Herri Ekimen Legegileak