Maiatzaren 18ro bezala herrialdeko museoak lehen lerrora pasako dira, eta programa bereziak eskainiko dituzte publikoa hurbiltzeko. Museoen Eguna dela eta, Arabako Foru Aldundiak Museo eta paisaia kulturalak programa jarri du martxan maiatzaren 17tik 22ra. Artiumek ere ospatuko du Museoen Nazioarteko Eguna, hiriaren kultura-aniztasuna eta aberastasuna haren kultura paisaien bitartez erakutsiz. Asteburu honetan bilduko ditu ekitaldi nagusiak eta kontzertuak eta lantegiak izango dira.
Diputazioaren menpe dauden museo guztietan: Arte Ederren Museoan, Bibaten, Arte Sakratuaren Museoan, Arma Museoan, eta Natur Zientziako museoan, hain zuzen, lantegiak eta bisita gidatu interaktiboak egingo dira maiatzaren 17tik eskola umeen taldeentzat Gure hezkuntza programaren barruan. Halaber, bisita gidatuak egingo dira herritarrentzat, orohar.
Egun hauetan antolatu diren ekitaldi guztietan parte hartu dute museoen inguruan lan egiten duten elkarteek.
Doako sarrera
Halaber, 2016ko Museoaren Egunak berri garrantzitsua ekarriko du herritar guztientzat, izan ere Diputazioaren museoen sarean doako sarrera berreskuratuko dute. Neurriari esker, Arabako Foru Aldundiak espero du museoen bisitarien urteko kopuruak gora egitea, eta doako sarrerari esker bederen aurreko urteetako zenbatekoa berreskuratzea.
Egitarauak
Maiatzak 14, larunbata
ARTIUM
11:00- 13:30: Bideo-jokoak, animazioak, benetako aplikazioak… lehen hezkuntzako haurrek eginak
12:30, 18:30, 20:00 Bisita gidatuak.
17:00- 19:00 Lantegiak
Kontzertuak
13:00etan: Yahaira + Novita
19:30ean La calle de los morenos
21:00etan Starsolo
22:30ean Código Habana
Maiatzak 15, igandea
ARTIUM
12:00etatik Familientzako lantegiak.
12:30 Bisita gidatuak.
17:00etatik 19:00etara Lantegia: Paisaia margolaritza.
13:00, 18:30 Kontzertuak hiriaren kultura-paisaia erakusteko.
Maiatzak 18, asteazkena
Natura Zientzien Museoa ONCEko taldearen bisita.
Arte Sakratuaren Museoa. Bisita: Greco zehatz mehatz. 12:00etan
Arma Museoa Errezitaldia. II.Mundu Gerrako abestiak gogoak 19:00etan
Maiatzak 19
Amarika aretoan. 'BLINK' erakusketaren inaugurazioa.
Maiatzak 21
Arte Ederren Museoa. Musika eta dantza ehun urteko museoan. 12:00etan eta 18:00etan
BiBat. 12:00etan Kontzertua 'Complete pack of new cotillons'
Maiatzak 22
Natura Zientzien Museoa. 'Nire piezarik gustukoena'. Sariak ematea.