Erakusketak 81 argazki biltzen ditu, sormen eta egiazkotasun handikoak. Animaliak, landareak eta paisaiak beste ikuspegi batetik erakusten dizkigute egileek, arreta emateaz gain, biodibertsitatearekiko interesa eta hura babesteko gogoa pizteko asmoz.
Lehiaketaren helburu nagusia naturaren ezagutza aktiboa sustatzea eta argazkilaritzaren bidez hura kontserbatzeko garrantzia azpimarratzea da. Orobat, herritarrei argazkilaritzaren bidez natura erakutsi eta defendatzeko aukera dutela erakustea.
Ikasleentzako lantegiak
Urtarrilaren 17an, igandean, argazki ibilbidea antolatu du IGIk Salburuko hezegunean barrena, argazkilari aditu baten laguntzaekin behatokiak bisitatzeko. Aukera paregabea izango da negua bertan igarotzen duten espezieak ezagutu eta haiei argazkiak egiteko: antzarak, ipar ahateak, ahate buztanluzeak, ahate mokozabalak, ahate txistukariak eta hezeguneko gainerako biztanleak.
Argazkia: T.P. Peschak