Honekin bi gauza aldarrikatu nahi dira; batetik, euskarak abenduaren 3an ez ezik, urteko egun guztietan presentzia izan behar duela eta bestetik, euskaraz bizitzeko nahia. Horretarako, abenduaren 3an, Euskararen Nazioarteko egunean, kaleko ekintza bat gauzatuko da. Honi hasiera emateko, euskaldunon desiren zuhaitzaren aurkezpena egingo da. ALEA aldizkariaren azalak birziklatuz eraikiko den zuhaitza izango da eta bertan, euskaldunok euren desirak zintzilikatzeko aukera izango dute. Oihaneder Euskararen Etxetik atera eta kalejiran Andre Mari Zuriaren plazaraino joango da ibilbidea. Bidean zehar, kartelak pegatu, Aleak eta pegatinak banatu eta musika izango da. Plazara heltzean kandelen mosaiko erraldoia sortuko da, ‘Euskarak 356 egun’ leloa osatuz. Ekitaldiari amaiera emateko, Zirk Zark ikuskizuna izango Oihaneder Euskararen Etxean.
EGITARAUA
18:30 Abiapuntua – Oihaneder Euskararen Etxea
- Materiala banatu (kartelak, pegatinak, Aleak eta kandelak)
- Azalpenak eman
18:45 Euskaldunon Desiren Zuhaitzaren aurkezpena – Oihaneder Euskararen Etxea
19:00 Irteera– Oihaneder Euskararen Etxetik bi ibilbide egingo dira, jende kopuruaren arabera. Ibilbide bakarra egitekotan lehenengoa (A ibilbidea) aukeratuko da. Bidean zehar, kartelak pegatu, Aleak eta pegatinak banatu eta musika izango da.
KALEJIRA
A. Ibilbidea:San Bizente Aldapa eta San Frantzisko kaletik Foru kalera eta handik Posta kaletik zehar Andra Maria Zuriraino
B. Ibilbidea:Harategi kantoitik, Jesusen Zerbitzarien Fundatzaileak kaleraino Siervas eta handik Diputazio kalea gurutzatuz Andra Maria Zuriraino
19:30 Ekitaldi nagusia- Andra Maria Zuriaren plaza. Monumentutik gora, lurrean kandelekin irudikatuta egongo da “EUSKARAK 365 EGUN” lema eta jendea horren inguruan bilduko da. Ondoren, testu labur bat irakurriko da, Euskal Herrian Euskaraz abestuko da Gasteiz Kantuzeko lagunek gidatuta eta Dantzaz konpainiaren emanaldi laburra izango da.
20:00 Ekitaldiaren amaiera eta Oihaneder Euskararen Etxera joateko gonbidapena, bertan, Zirk Zark ikuskizuna egongo baita.
Egitasmoan parte hartu dute: Gasteiz Kantuz, Zizta Euskara taldea, Odon de Apraiz ikastola, Olabide ikastola, Toki Eder ikastola, Sarburu elkartea, Armentia ikastola, Lazarraga Kultur elkartea, Mariturriko guraso elkartea, Luis Elejaldeko guraso elkartea, Udaberria euskaltegia, IKA euskaltegia eta AEK euskaltegia.
Gai honi lotutako albiste gehiago:
[BIDEOA] Jarduerez betetako Euskararen Astea aurkeztu dute udalak eta hainbat talde euskaltzalek
Abenduak 3, Euskararen Nazioarteko Eguna: Ba al zenekien….