Langileek autobus flotaren zaharkitzea salatzen dute, baita honen mantentze lan eskas eta desegokia ere. Honek hiritarrei eskainitako zerbitzuan zein erabiltzaile eta gidarien segurtasunean eragina duela azaldu dute autobus zerbitzuko langileek. Ohikoak bihurtu diren edozein motatako matxurak ere salatzen dituzte, atzerapen edo bidaiarientzat eragozpenak bihurtzen direnak. Hau dela eta, Tuvisako langileek autobusen egoera txarra salatzeko manifestazioa deitu dute hurrengo ostiralerako. “Kalitatezko Garraio Publiko Batengatik” lelopean, langileak Plazan Berrian elkartuko dira protesta egitera, CNT sindikatuak adierazi duenez.
Tuvisak 81 autobus ditu gaur egun, 10 urteko antzinatasuna dutena, batez beste. Azken legegintzaldian ez zen autobusik berritu eta horietako 18k 16 urte dituzte gutxienez. Langileek talde politikoei Tuvisaren sendotzearen alde egitea eskatzen diete. Orain dela aste batzuk, EAJk ez zuen lortu garraio publikoaren prezioa igotzeko laguntza eta orain ikusi beharko du ea udal aurrekontuak autobus berrien erosketa finantzatu ahal duen.