Ostiral gauen Parisen egindako erasoak salatzeko elkarretaratze isilak egin dira Plaza Berrian eta Probintzia plazan.
Bertan, udalaren zein Arabako Aldundiaren talde politiko guztiak izan dira, gerturatu diren hainbat hiritarrekin batera. Gaur goizean Gasteizko Udaleko Eledunen Batzarrak adierazpena adostu du Parisen gertatu diren atentatuak gaitzesteko. Adierazpen honetan, udalak elkartasuna eta hurbiltasuna eskaini nahi dizkie paristarrei; bereziki, biktimen senide eta lagunei. Baita biolentziaren zentzugabekeria pairatzen duten beste herri guztiei ere. Horrez gain, “berretsi egiten dugu giza eskubideen eta gizarte demokratiko ororen oinarri diren printzipioen defentsa. Gogoeta sakona egin beharra dago gertakari horien inguruan, etorkizunean halakorik gerta dadin ekiditeko”, azaldu dute adierazpen horretan.
