Gazte, heldu eta umeek, eta inguruan dutenari buruz jakin-mina duten guztiek, aukera dute zientzia lanbide dutenekin zientzia ikusi, entzun, sentitu eta horretaz berba egiteko azaroaren 5etik 8ra bitartean.
Euskal Herriko Unibertsitateak antolatutako ekitaldia, Zientzia, Teknologia eta Berrikuntzaren Astea da. Tailerrak, stand zientifikoak, ibilbide didaktikoak, erakusketak, lehiaketak, janari-dastatzeak, irteerak, bisita gidatuak eta hamaika gauza gehiago aurkitu daitezke Gasteizko Bibat Museoan.
Sarrera librea izango da. Tailer eta irteeretarako izena ematea webgunean egin daiteke.
Programazioa: Zientzia Astea