'Kreditua' antzezlana, Principal antzokian

Tanttaka antzerkia antzerki konpainia beteranoetako bat dugu. 1983an sortu zenetik, hainbat antzerki genero landu ditu: drama, komedia, opera bufoa, umeentzako antzerkia... Fernando Bernués zuzendariaren ukitu bereziaz eta egikera bikainaz, beti bezala, komedia dramatiko bat dakarkigu oraingoan, 'Kreditua'. Bi denboralditan Madrilen arrakasta handia lortu ondoren, "El crédito" lana oraingoan euskaraz ikusi ahalko dugu, Joseba Apaolaza eta Zuhaitz Gurrutxagaren eskutik.