Jon Garañok eta Jose Mari Goenagak zuzendutako LOREAK filmak Oscarretarako bidean urrats bat gehiago eman du, eta aitzakia aprobetxatuta, Gasteizen Florida zinemetan izango da ikusgai ostegunera bitartean.Informazio gehiago: LOREAK filma edota Florida Zinemak
Aneren bizimodua goitik behera aldatuko da, astero-astero, etxean lore-sorta bat jasotzen hasten denean. Beti ordu berean. Beti modu anonimoan.
Lore misteriotsu batzuek aldatu egingo dituzte Lourdesen eta Tereren bizimoduak ere. Ezezagun batek lore-sorta bat utziko du astero, eurentzat hain garrantzitsua izandako norbaiten oroimenez.
Hiru emakumeren istorioa da hau; lore-sorta xume batzuek goitik behera aldatuko dituzten hiru bizimodu. Lore horiek ahaztutzat zituzten sentimenduak azaleratuko dituzte… Baina, azken batean, loreak baino ez dira.