Azken urteotan Vitoria-Gasteizko Gazteria Zerbitzuak hiriko gazteen sormena bultzatzearen alde egin du hainbat proiekturen bidez, besteak beste, Haziak lehiaketa, Tejiendo Redes edo Gazte Klik-Klak programen bitartez.
Orain, aurreko hauek ondo funtzionatu dutela ikusirik, Sortzenizeneko proiektu berria abian jarriko du Gazteria Zerbitzuak. Programa honen helburua gazteei hainbat espresio modutan esperimentatzeko eta sortzeko aukerak ematea da; eta aldi berean, alor bakoitzeko profesionalekin batera ikastea ahalbidetzea ere bai.
Hala,Sortzengazte sorkuntza sustatzeko programada eta bost lehiaketaz osatua dago, hainbat modalitatetan:
Gazte Arte – Arte plastikoen lantegiak
Gazte Klik-Klak – Argazki digitalen eta bideoen lehiaketa
Gazte Talent – Banda eta bakarlarien lehiaketa
Gazte Hitzak - Ipuin eta kontakizun laburren lehiaketa
Zinexpress – Zine Express Jaialdia
“Sortzen-enhelburua gure hiriko gazteei euren sormen proiektuak gauzatzeko aukerak ematea da eta prozesu horretan hiriko artista ezagunak lagun izango dituzte, euren lana zabaltzen, jakintzak partekatzen, eta lanen diseinua-eta gauzatzen”, esan du Gazteria zinegotzi Iñaki Prusillak. Sortzen-ek gune duinetan erakutsi nahi du gazteak zer egiteko gai diren, hala nola, erakusketa aretoetan, kontzertu aretoetan eta abarretan. Horrela, Artium museoa, Jimmy Jazz aretoa edo Montehermoso Kulturunea lagun izango ditu programak.
Informazio gehiago: Sortzen 2015, eskuliburua