Partida irailaren 29an izango da, asteartean, 20:30ean. Velimir Perasovic-en Baskonia Dolomiti Energía Trento-ren aurka lehiatuko da. Sarrerak 5 eurokoak izango dira ( 3. eta 4. mailan) eta 10 eurokoak (1. eta 2. mailan). Saski Baskoniara harpidetuta daudenek ez dute ordaindu behar, baina kolaboratu nahi badute, 0 ilaran hori egiteko lekua jarriko dute. Sarrerak gaurtik aurrera daude salgai.
Honekin batera, Gasteizko taldeko jokalari bakoitzak errefuxiatu baten izena eramango du bizkarrean. Erabilitako kamisetak enkantean aterako dira eta lortutakoa ere bideratuko da egoera larri honetan dauden ume siriarrei laguntzeko.
Save The Children EGK-aren arabera, milioi eta erdi ume baino gehiagok ihes egin du Siriatik. Gure mugetara ailegatzen ari diren errefuxiatuen erdia adin txikikoa da.