Habitataren nazioarteko egunarekin bat eginez, Eko-Sketch margo maratoia antolatu du Elkar liburu dendak urriaren 3rako.Egun osoko hitzordua izango da eta marraztea gustuko dutenei zuzenduta dago. Izena ematen dutenei, material sorta eta Gasteizko mapa emango zaie, non derrigorrez margotu beharreko bost leku agertuko diren. Leku hauek ekologiarekin zerikusia izango dute. Eguna amaitzean, koadernoak jaso eta irabazleei sariak emango zaizkie.
Maratoian parte hartzeko banatuko duten materiala: Moleskine koaderno bat, Talens etxeko Sakura errotulatzaile bat, Milan ikatz-ziri bat, Virgen Blanca jatetxean jasotzeko Sketch Take Away hamaiketakorako txartela eta Gasteizko mapa.
Eko-Sketch Vitoria-Gasteiz- Oinarriak
Informazio gehiago: www.ekosketch.eus