Arabako XXXIII. Antzinako Musika astea irailaren 11ra arte, ostirala, egongo da Santa Maria Katedralean.
Aurten lau kontzertu emango dira irailaren 8a eta 11 bitartean, arratsaldeko 20:15etan. Kontzertu bakoitzerako, 630 sarrera jarriko dira guztira publikoaren esku, dohainik jasotzeko katedralean bertan arratsaldeko bostetatik aurrera.
Aurtengo edizioan bertako musika taldeak izango dira; “Ez dago urrun joan beharrik musikari ospetsuak aurkitzera, egun horietan katedralera hurbilduko direnek egiaztatu ahal izango dutenez. Ohartuko gara zein musikari bikainak ditugun gure lurraldean antzinako musikaren arloan ere ", azpimarratu zuen aurkezpenean Igone Martínez de Luna, Euskara, Kultura eta Kirol Saileko foru diputatuak.
