20:00etan Aihotz plazatik Txosnagunera kalejira bat egingo da.
Egun horretan,, uteroko Txosnisaria banatuko dute. Gora Gasteiz kolektiboak jasoko du aurtengo saria, arrazakeriaren aurka eta Gasteiz anitz eta koloretsuaren alde egin duten lanagatik. “Lan horrek guztiz bat egiten du Gasteizko txosna Batzordearen izaerarekin”, azaldu du Iraia San Ildefonsok, “txosnena ere kolektibo koloretsu eta anitza baita”.
Gaur egun, Gasteizko Txosnak 12 kolektibok osatzen dute: AEK, Euskal Herrian Euskaraz, Askapena, Gazte Karpa, Fracking Ez Araba, Iraultza 1921, Presoen Lagunak, Sortu, Hala Bedi, Arabako Bertsozaleen Elkartea eta Sukalde-gerrilla. Urte honetan kolektibo berri bat egongo da batzordean: TMEO komiki mitikoa.
Txosnagunean zazpi txosna, hiru karpa eta karpa komun bat egongo dira. Bi espazio nagusiez gain (karpa komuna eta agertoki nagusia), Gazte Karpak ere bere programazioa izango du.
Txosnen batzordea jai eredu parte-hartzaile, herrikoi, parekide eta euskaldunaren aldeko apustu garbia egin nahi dute. Horregatik, eraso sexisten gaitzespena eta berdinatasunezko harremanen aldeko apustua egin nahi dute eta, horretarako, bere egin du Bilgune Feministaren protokoloa eraso sexisten aurka.