Rikardo Arregi Diaz de Heredia.Gasteizen (Araba) jaioa, 1958an. Psikologia eta Irakasle ikasketak egin zituen Salamancan eta Euskal Filologian lizentziatu zen Euskal Herriko Unibertsitatean. Ogibidez, bigarren hezkuntzako irakaslea eta idazlea da. Hiru poema liburu argitaratu ditu.
|
Roberto González de Viñaspre. Bilbon (Bizkaian) jaioa, 1961ean. Trebiñu Konderrian bizi da, 12 urte zituenetik. Euskal Filologian lizentziatu zen, Deustuko Unibertsitatean. Eusko Jaurlaritzako Hezkuntza, Unibertsitate eta Ikerketa saileko hizkuntz teknikaria da. Euskaltzaindiaren Onomastika batzordekidea, 2005etik. Gasteizko Toponimia egitasmoko aholkulari izan zen eta Deustuko Unibertsitateak edota Eusko Jaurlaritzak abiatutako hainbat toponimia egitasmotan parte hartu du. Trebiñuko barrendegiak sortu duen administrazio arazoan gehien sakondu duen ikertzailea da.
|
|
|
Karmele Jaio. Gasteizen (Araba) jaioa, 1970ean. Informazio Zientzietan lizentziatu zen Euskal Herriko Unibertsitatean. Emakundeko Komunikazio arduraduna eta idazlea da. Hainbat liburu idatzi ditu, hala nola, Amaren eskuak, Zu bezain ahul eta Ez naiz ni.
|
|
|
Iñaki Martinez de Luna. Gasteizen (Araba) jaioa, 1950ean. Soziologian doktoregoa eskuratu zuen, Deustuko Unibertsitatean. Euskal Herriko Unibertsitateko irakaslea da eta GEU elkarteko lehendakaria izan zen. Hizkuntzaren soziologian aditua da, bereziki hizkuntza gutxituen soziolinguistikan. Soziolinguistika Klusterraren sortzaile eta lehendabiziko buru izan zen 2004-2006 artean. Eusko Jaurlaritzako Prospekzio Soziologikoen Kabineteko arduraduna da 1986tik. Besteak beste, Euskara Aholku Batzordeko kide eta Euskara 21 ataleko zuzendaria da.
|
|
|
Patxi Salaberri Muñoa. Aramaion (Araba) jaioa, 1956an. Euskal Filologian doktorea (Euskal Herriko Unibertsitatea). UPV-EHUko Filologia irakaslea. Euskal Herriko Unibertsitateko EUDIA ikerketa taldeko kide da, euskararen bariazio soziolinguistikoa ikertzeko sortutako taldea. Euskal literatura klasikoan aditua da.
|
Blanca Urgell Lázaro. Gasteizen (Araba) jaioa, 1962an. Euskal Filologian doktorea (Euskal Herriko Unibertsitatea). EHUko Filologia irakaslea da, Hizkuntzalaritza eta Euskal Ikasketak sailean. EHUko Monumenta Linguae Vasconum ikerketa taldeko kide da. Bereziki lexikografian eta idazlan klasikoen edizioan nabarmendu da. Eusko Jaurlaritzako Kultura sailburua izan zen 2009-2012 artean.