Gasteizko plataforma feministak agerraldia egin du goizean, maiatzaren 18an Andra Mari Zuriaren plazan herri harresian zeuden emakumeek jasan zituzten eraso sexistak salatzeko.
Batetik, poliziak Gasteizko Herri Harresia desegiteko erabili zuen indarkeria salatu du plataformak baita poliziaren jarrera "sexista, homofoboa eta transfoboa" ere. Horrez gain, egun horretan Ertzaintzak bertan zeuden neskei egindako irainak jaso eta salatu dituzte. Hauek dira horietako batzuk: “Puta, zorra, guarrilla”, “No te queremos hacer daño pero como no te levantes vas a gritar como una puta”, “Maricon!! Maricon!!! Maricon!!!”, “Tu quien eres? La puta de un gudari?”, “Guapita de cara, te voy a romper la nariz”, “Te voy a follar!!”, “Esto duele, verdad? Ahora no eres tan valiente, guarra” edo “Esto que es un tio o una tia? Esto es una zorra”. Ahozko erasoa ez ezik, kolpeak eta ukitzeak egon zirela adierazi du Gasteizko plataforma feministak.
Aldi berean, atxilotuak izan diren zazpi gazteei elkartasuna adierazi dio plataformak, bereziki Ainhoa, Aiala eta Marinari, azken hau Bilgune Feministako kidea. Horrekin batera, hiru emakume hauek Zaballako espetxean jasaten ari diren barkaturik daudela salatu du.