Gasteiztarrek 13 kandidaturen artean aukeratu beharko dute datozen lau urteetarako alkatea edo alkatesa nor izango den. Horretarako, 86 hauteskunde-mahai egokitu dira hirian zehar. Gainera, aurten, estreinakoz, mahai elektronikoak egongo dira ondorengo sei hautesleku hauetan: Aldabe, Judimendi, Hegoalde, Lakua, Ariznabarra eta Arriagako gizarte etxeetan.
Parte hartzeari dagokionez, 14.00ak arte bildutako datuen arabera, Gasteizen %33,49 koa izan da (2011n, %31,20) eta %34,61 koa, aldiz, Arabakoa (2011n, %33,15). 18.00etan zabaldutako datuen arabera, hauxe izaten ari da eguneko parte hartzea: Gasteizen, %47,93 (2011n, %43,92) eta Araban, %49,04 (2011n, %46,67).
Alkategaiek goizean goiz eman dute botoa eta gehienek Twitter bidez zabaldu dute momentu horren argazkia:
Javier Maroto, PP
Gorka Urtaran, EAJ
Miren Larrion, EH Bildu
Oscar Fernández, Irabazi
Jorge Hinojal, Hemen Gaude
Esther Saez de Argandoña, Gastoria
Ignacio Oñate, UPyD
Rodrigo Zamora, Ciudadanos