Atzo Gasteizko udalak, larunbatean hiriburuan ospatu zen Gora Gasteiz egunaren inguruko mozioa onartu zuen. EAJk, PSEk eta EH Bilduk alde bozkatu dute, PPk, berriz, kontra. Mozio honekin, udalak gasteiztarrak zoriondu ditu ospakizunean izandako “parte hartze aktiboa eta masiboagatik”. Horrez gain, udalak bere egin ditu herri ekimenaren aldarrikapenak eta udal gobernuari eskatu dio "jatorriaren arabera" herritarrak "estigmatizatzeari" utz diezaiola. Horrekin batera, udalbatzak udal gobernuari eskatu dio hiritarren eskubide sozial eta kulturalak lehenetsi ditzala, "norbere interes politikoen eta elektoralen gainetik".