Aurtengoa Tetrapack egitasmoaren 6. edizioa da eta Anabel Quincoces artistaren ardurapean egin da.
Erakusketa hau Gazte Klik-Klak lehiaketatik dator eta 25 urtetik beherako argazkilariei eta bideo egileei zuzenduta dago. Iñigo Grasset, ISMO kolektiboa (Selene Ibarra eta Joseba M. Iparaguirre), Elena Santamaría eta Oskar Cabrerizo argazkilari eta bideo egile gazteek osatu dute Tetrapack 2015.
Iñigo Grasset bizkortasunarekin hurbiltzen da XXI. mundura. Bizitza eta natura dira bere sormenaren oinarriak, behar duena betetzeko eta bizirik sentitzeko. Berak The Rolling Stonesen kanta zati bat hartuta azaltzen du: You can't always get what you want But if you try sometimes you just might find You get what you need”.
ISMO kolektiboak Tetrapack buruz behera ipintzen du Aspirantes proposamenarekin. Hemen, beraien esanetan, ISMOren esanahia azaltzen dute: hasiera guztien bukaera. Kontrakorrontera joan. Sinetsi, sortu eta handitu. Lan egiteko erabiltzen duten premisa gure burua emozioz betetzea da, gauzak egiten dituzten bitartean, proiektua bizirik dagoen bitartean, bukatu ez dutenean.
Elena Santamaríak Bosgarren Erreinuaren bilaketa aurkezten du. Proiektu honen ideia mundua osatzen duten elementuei buruzkoa da. Ohiko lau elementuei ─lurra, airea, sua eta ura─ beste bat gehitu zaie: gizakia. Bosgarren elementu horrek beste laurei itxura ematen die, arrazoiaren eta adimenaren bitartez.
Kontraesanak dituen sexu berdintasunaren borroka garaikidea irudikatzea da Oskar Cabrerizoren proposamen oinarria. Abiapuntu honetatik hausnarketa egiten du askatasunari buruz. Bere lana guztiz heterogeneoa da hainbat formatu, euskarri, teknika, tratamendu eta kolore –batzuk koloretan eta batzuk, zuri-beltzean– nahastuz.
Erakusketa Montehermoso jauregian egongo da ikusgai maiatzaren 3ra bitartean.