Txikientzako lasterketa honetan Gasteizko hainbat eskolek parte hartuko dute, elkarrekin euskararen alde egiteko. Guztira, 28 ikastetxeko ikaslek zeharkatuko dituzte Gasteizko kaleak.
Ibilbidea 14:50tan hasiko da Portal de Castilla kalearen amaieran, Armentia ikastolaren ondoan. Horrela Korrika Txikia hurrengo auzoetatik igaroko da: Mariturri, Ariznabarra, San Martin, Txagorritxu, Lakua, Pilar, Zaramaga, Aranbizkarra eta Santa Lucia. Azkenez, Plaza Berrian amaituko da 16:15 aldera. 16.30ean lasterketari amaiera emateko festa bat ospatuko da Plaza Berrian bertan.
Korrika Txikia 2015 Gasteiz: Ibilbide osoa
Parte hartuko duten eskolak hurrengoak izango dira: Armentia, Mariturri, Zabalgana, Hogar San Jose, Miguel de Cervantes, San Martin, Abendaño, Landazuri, Barrutia, Umandi, Tokieder, Ibaiondo, Lakubizkarra, Luis Elejalde, Odon Apraiz, Ikasbidea, Samaniego, Gereñu, Arantzabela, Aranbizkarra, Salburua, Angel Ganivet, Calasanz, Adurtza, Urkide, Ramón Bajo, Olabide eta Marianistas.