Oso gertu geratuko dira EAJ eta EH Bildu, bakoitzak botoen % 19a eskuratuko baitu. Izan ere, zinegotzi kopuru bera lortuko lituzkete PPk, EAJk eta EH Bilduk, alderdi bakoitzak sei, hain zuzen ere.
Inkesta honen arabera, PSEk botoen % 16,5 eta Ahal Duguk % 14,5 lortuko lukete. Modu horretan, PSEk bost zinegotzi lortuko lituzke, Ahal Duguk, aldiz, lau. Murritzagoa da EBk eta UPyDk lortutako babesa (% 3,5 eta % 2,5) eta hortaz, ez lukete ordezkaritzarik lortuko.
Araban, botere aldaketa: EAJ garaile
EAJk Arabako Foru Aldundian irabaziko duela aurreikusten du aipatu inkestak, botoen %21 eskuratuta eta PPri puntu erdia aterata (% 20,5). Hirugarren indarra EH Bildu izango litzateke, botoen % 19,5arekin. Ahal Dugu alderdiak boto-emaileen % 15eko babesa lortuko luke, PSEk % 15,4, UPyD % 3 eta Ezker Batuak % 1,5.
Eusko Jaurlaritzak Batzar Nagusietarako eta hiriburuetako Udal Hauteskundeetako boto aurreikuspena ezagutzeko inkesta hau otsailean egin da; Araban 518 pertsonei eta Gasteizen 406 pertsonei inkesta egin diete.