Prentsa agerraldia egin dute animalien babeserako elkarteek EH Bildu alderdi politikoarekin batera. Uholdeetan kalte pertsonalak edota materialak ekiditeko protokoloak existitzen dira, baina, ohartarazi dutenez, animalien kasuan, aldiz, “ez dago ezer, animalien babesgabetasunaren aurka egiteko neurri berezirik ez dugu”.
Hortaz, urpetu daitezken guneetan egon daitezken inolako babesik ez duten animalien kokaleku zehatza jakitea ezinbestekoa dela deritzote. Larrialdi egoera baten aurrean, arriskuaz ohartarazi eta ezarritako denboran jabeak helduko ez balira, Gasteizko zerbitzu publikoek animaliak bere gain hartu beharko lituzkeela uste dute, seguruak diren beste leku batzuetara garraiatuz.
Hemendik aurrera, larrialdizko kasuetan ere, udalerria animalien babesean “eredugarria” izaten jarraitzeko ekimen ezberdinak batzordean proposatuko dituztela azaldu du Iratxe Lopez de Aberasturi zinegotziak. Era berean, gogora ekarri dute orain dela aste batzuk, Gasteiztik oso gertu, Burgoseko Miranda de Ebron erabat urperatu ziren guneetan kate batekin lotuta zeuden dozena bat txakur itota hil zela. Aurreko asteko euriteak medio, suhiltzaileek harrapatuta zeuden sei zaldi erreskatatu zituzten Zadorra ibaia Langraitz-Okan irten eta gero.
Argazkia: ATEA