Mezu arrazistak jaso ditu Gasteizen bizi diren afroamerikarren ‘Afro’ elkarteak.Elkarteak duen egoitzako atean bertan topatu zuten pegatinak honela zioen: “lanik ez da falta, etorkinak soberan daude” eta erdian, naziek erabiltzen zuten svastika bat ere ageri zen.
‘Afro’ elkartea1994 urtean sortu zen hiriburura heltzen diren etorkin afroamerikarren integrazio soziala sustatzeko eta salatu dutenez, jazotakoak elkarteak ordezkatzen duen jende ororen duintasunaren kontrako “atentatua” da.
Bien bitartean, hautsak harrotu ditu Arabako Foru Aldundiak abiatu berri duen ‘Zero tolerantzia’ kanpainak. “Giza eskubideen sentsibilizazioa eta balio demokratikoen berrespena” du xede Javier de Andresen gobernuak aurkeztutako kanpainak. Herritarren eta, batez ere, gazteen inplikazioa lortu nahi dut bost ardatz nagusi dituen kanpaina honekin: fanatismoa, indarkeria matxista, homofobia, mutilazioa eta adinekoen kontrako tratu txarrak.
EH Bilduren ustetan, “PPk etorkinen aurka martxan jarri duen kanpaina xenofoboa elikatu” nahi du. Hori dela eta EH Bilduk bertan behera uzteko eskatu dio De Andresen gobernuari. “Bestela, ez genuke ulertuko zergatik lotu dituen fanatismoa Islamarekin, oinarrizkoa diren bost eskubide horien artean ablazioa sartzea edo gure mugetatik kanpo dagoen arazo bezala homofobia ulertzea”, zehaztu du koalizio abertzaleko biltzarkidea den Itziar Lekuonak.
Argazkia: Twitter