Esku-ur-iz sustraiak!

Argia,

Energia, izar

Izpia.

Hotz, elurra.

Epel, euria.

Bero, lurruna.

Materia bizia,

Ura.

Hezurra eta lurra

jaiotzen den haurra,

eguratsez elikatzen

gaituen zura.

Haritza, zuhaitza.

Beti izorra dagoen ama,

Natura!

Gizakia izadiarekin bat,

                               Gizabidea.

Gizakia gizakiarekin bat,

                               Eskubidea.

Eskuaren Kultura!

(lanaren kultura)

eskuarekin eskaini,

eskuarekin eskatu,

eskuarekin eskertu.

Eskua ez da

besoaren amaiera, zera da,

Gizabidearen ideiaren irudikapena.

Eskuara ez da

hitz multzo bat, zera da,

Herri baten bizieraren adierazpena.                            

Eskualherria ez da

lurralde zati bat, zera da,

Eskuaraz bizi den gizaki taldea.

…eskualdeko eskuarteak eskukotasunez eskuratzeko eskualdia,

                                                             eskubidez!   gizabidez!   maitasunez!

Hau da,

eskualdunen jokaera,

eskualdunen jarrera,

gizakien izaera.

izan, banaiz gizaki,

izan, banaiz izaki,

izan, banaiz izpiritu,

izan, banaiz izadi, baina nola bizi naiz?

Egilea: Naiara Ibisate García