Hurrengo hilabeteetarako prestatu duen egitarauak Oihanederren xede nagusiak betetzea du helburu, besteak beste, euskararen erabilera sustatu eta hiztunen komunitatea trinkotu, euskarazko sorkuntza suspertu edo euskararen normalizazioaren eragileen sarea sustatu.
Horrela, Rockomikiak erakusketa, UEUrekin batera antolatutako formazio ikastaro eta mintegiak Arabako ALEA astekariarekin batera antolatuko diren SolasALEAK elkarrizketa zikloak eta Eskilarapeko soinuak formatu txikiko kontzertu zikloak izango dira euskararen etxean. Otsailaren 19an, adibidez, GEUrekin mendira egitasmoaren 20 urteurrena ospatzeko ekitaldi berezia ospatuko da. Aipatzekoak dira ere Korrika Kulturala dela eta antolatutakoak eta maiatzean egin nahi den Udaberri jaia, hizkuntz gutxituetan musika egiten duten taldeen festibala alegia.
Askotariko ekintza hauek guztiak, askotariko norbanako eta eragileek antolatuta, Oihaneder "leku bizi, koloretsu, anitz, alai eta euskalduna" bilakatuko dutela azaldu dute Lazarraga Kultur elkarteko arduradunek.
Lazarraga elkartearen irudiaren aurkezpena
Gaurko prentsaurrekoan Lazarraga Kultur elkartearen irudia ezagutzera eman dute. José Manuel Díaz de la Bárcena Lazarraga Kultur Elkarteko lehendakariak azaldu bezala, "Joan Perez de Lazarragak ematen dio izena elkarteari eta Nestor Basterretxeak irudia". Zigor Samaniego ilustradore eta disenatzaile grafiko gasteiztarra arduratu da logo berriaren diseinuaz. Diaz de la Bácerna eta Nestor Basterretxearen semea den Gorkak horrela azaldu dute irudiaren izaera:
Azkenik, aipatu plataforma irekia eta parte-hartzailea dela gogorarazi du, proiektuan interesa duen oro parte-hartzera animatuz. Parte hartzeko lazarragakulturelkartea@gmail.com helbidera idatzi behar da.
- Bestelako proposamenak: Arabako inauterien inguruko antzerki-hitzaldia gaur 19:00etan, liburuen aurkezpenak, kontzertuak, hiriko euskalgintzako eta kulturgintzako eragile desberdinen bilerak-mintegiak…
Lukasen adierazpenak