Txagorritxun auzo elkarte berria jaio da, auzoa hobetzeko xedearekin eta auzokideen behar eta aldarrikapenei erantzuteko asmoz.Etxegorri Auzo Elkartea du izena eta bere helburuen artean, Gizartxe etxe propioa aldarrikatzea, Gazalbideko Zentro Komertziala berpiztea, auzoko merkataritza sustatzea eta puntu beltzak murriztea aurkitzen dira. Auzoan euskara bultzatu nahi duela adierazi du elkarte berri honek, baita aisialdiari lotuta jarduerak aurrera eramatea ere. Ildo horretan, Txagorritxun jai herrikoien alde lan egiteko konpromisoa hartu du Etxegorrik.
Auzotarren parte hartzea funtsezkoa da elkartearentzat eta horregatik, aurkezpenaren egunean galdetegi txikia pasa zieten bertaratutakoei, auzoaren behar nagusiak identifikatzeko. Helburu bera lortzeko eta iradokizunak jasotzeko herritarren postontzia jarri dute martxan (postontzia@etxegorrielkartea.org).
Azkenik, Etxegorri auzo elkarte berriaren inguruko informazio guztia eskura izateko www.etxegorrielkartea.org web gunea sortu dute, baita Twitterreko profila ere: @Etxegorri_AE