Abenduaren 18an Pertsona migratzaile eta haien familien nazioarteko eguna ospatuko da, hori dela eta, Gasteizko Arrazakeriaren aurkako plataformak hainbat jarduera antolatu ditu.
Abenduaren 17an, asteazkena, diru-laguntza sozialak hizpide izango duen hitzaldia egongo da, non Gasteizko Arrazakeriaren aurkako plataformako kideak diren Iñaki Uribarri eta Tania Siriany hizlari izango diren. Ramon Bajo ikastetxean izango da, 19.30ean. Hurrengo egunean, abenduaren 18an, Pertsona migratzaile eta haien familien nazioarteko egunaren baitan, 'Ez gure izenean' ekimena egingo dute Aldabe gizarte etxean 18.30ean. Ondoren, kalejiran Andra Mari Zuriaren plazaraino joango dira eta bertan Gora Gasteiz Herri Ekimenarekin egingo dute topo. Azkenik, 20.00etatik aurrera, jai interkulturala ospatuko dute Teranga tabernan.
