Abenduaren 23an pilota topaketak egingo dira Auzolana Frontoian arratsaldeko 17:30ean. Bertan umeen arteko partiduak egiteaz gain, umeentzako ikuskizunak egingo dira: batukada, dantza, hip- hop eta abesbatza, besteak beste. Horretaz aparte, familientzako eta auzokideentzako ekintzak ere antolatuko dira egun horretan.
Gabonetan antolatuko duten beste ekintza bat auzo zinema izango da. Hiru egunetan, abenduaren 22an (18:00etan), 26an (17:00etan) eta urtarrilaren 2an (17:00etan), pelikula desberdinak botako dituzte: Welcome, Los increíbles eta Diamantes Negros.
Kirol kanpusak ere egongo dira; abenduaren 29an futbola egongo da 17:00etatik 20:00ak arte eta, abenduaren 30ean saskibalioia 17:30etatik 20:00ak arte. Biek Aldabe Gizarte Etxean hartuko dute lekua.
Horretaz aparte, abenduaren 29an eta 30ean goizeko 11:00etatik 13:00etara tailer familiarra antolatuko da: “Aniztasuna josten”, non hiriaren aniztasuna adieraziko duen ohialezko pankarta sortuko duten. Abenduaren 29an ere, 11:00etatik 12:30ak arte Gastrofiliako III. Jardunaldien barruan, umeentzako sukaldaritza lantegia egongo da.