Hiru dira eskaintzen diren lanpostuak: egitasmoaren kudeatzailea, kazetaria eta komertziala.
Kurrikulumak geuelkartea@grn.es helbidera bidali behar dira, azaroaren 5a baino lehen.
Alea Arabako aldizkaria GEU Gasteiz Euskalduna elkarteak, Goienak eta Berriak elkarlanean sorturiko proiektu komunikatiboa da, Araban euskarazko tokiko hedabideen hutsuneari aurre egiteko sortua. Bere helburua lurraldean euskararen erabilera eta presentzia areagotzea eta euskarazko informazioaren bitartez lurraldea kohesionatzea da. Astekaria izango da eta Arabatik Arabaren berri emanez kuadrillaz kuadrilla eta herriz herri zabalduko da.