Euskararen familia transmisioa lantzeko eta Gasteizko familia euskaldunen arteko loturak trinkotzeko asmoz GEU elkarteak ‘IGANDEAK JAI. Familia giroan euskaraz’ egitasmoa antolatzen jarraituko du 2014ko udazkenean.
Haurrei zuzenduriko ikuskizunak eta lantegiak uztartuko dira bi orduko emanaldi hauetan. Era berean, guraso euskaldunen parte hartzea eta inplikazioa bultzatzeko dinamika batzuk proposatuko dituzte Urtxintxa Eskolako begiraleek.
Aurreko ikasturtean bezala guraso eta auzo elkarteekin elkarlanean antolatuko ditu GEU elkarteak igande arratsaldeko saio hauek. Besteak beste, Gasteizen euskarazko aisialdian aritzen diren eragileen arteko elkar ezagutza sustatzea dute helburu. ‘IGANDEAK JAI familia giroan euskaraz’ egitasmoak Gasteizko Udalaren babesa jaso du.
PROGRAMAZIOA
IRRIPUINAK Martinbertsorekin’ IRRIEN LAGUNAK
Kantu Jolasak
Irailak 28
Armentia Ikastolan
‘Erraldoi bihotzgabea’ ZURRUNKA TEATRO
Txotxongilo tailerra
Urriak 26
Toki Eder Ikastola
Kidam magoa
Esperimentu harrigarriak eta ponpa tailerra
Azaroak 30
Zabalgana eskola
‘Tarantela’ TTR TEATRO
Erdi Aroko festa
Abenduak 21
Salburua eskola
Saio guztien ordutegia 17.00etatik 19.00etara izango da.