Gaizka Ugarte gasteiztarra Madrilera joan zen Ingeniaritza ikastera. Izan ere, betidanik aktore izateko gogoa izan duela aitortzen du eta unibertsitatean antzerki ikastaro bat egin ostean, “dena utzi nuen” interpretazioaren munduan murgiltzeko. Geroztik, ez da gelditu eta zinema, antzerkia, telebista eta publizitatean dabil lanean. Ahal duenean, margotu edo ur-kirolak praktikatzen ditu.
Duzun biziorik handiena?
Ondo jatea izan daiteke bizio aipagarri bat.
Bertuterik?
Umore-sena.
Akatsik?
Buru gogorra naizela .... Hori bai umore onarekin!
Zer baloratzen duzu gehien zuregan?
Sormena eta umorea.
Zerk erakartzen zaitu gehien besteengan?
Pertsona saiatuak.
Zer eskatzen diozu bizitzari?
Bukatu ez dadila.
Zerk ateratzen zaitu zure onetik?
Inposaketa eta bidegabekeria.
Inoiz interpretatu duzun pertsonaiarik zailena
Ivanov izan da. Pertsonaia konplexu eta ñabardura asko duena. Zoragarria lantzeko.
Telebistarako iragarkietan agertu ondoren, kalean gehiago ezagutzen zaitu jendeak?
Ez oraindik ez zait horrelakorik gertatu.
Aktorea izango ez bazina….
Sormenarekin lotutako zerbait.
Antzerkia edo zinea?
Antzerkia eta zinea.
Ikusi duzun azken ikuskizuna…
Artium-en Juan Mieg-en erakusketa izan da. Zelako ikuskizuna!!
Zuzentzeko grina izan al duzu noizbait?
Bai, askotan. Arreta sortarazten dit.
Oporrak non eta zertarako?
Itsasoan eta disfrutatzeko.
Liburu bat?
Irakurtzen ari naizena. ‘Volver’
Film bat?
Michael Haneke-ren ‘Amour’ filma.
Musika talde-bakarlari bat?
Tutan Come on edo Libe ditut gustuko.
Zer da Gasteizek duen onena eta txarrena?
Onena nire jendea dagoela eta txarrena itsasorik ez dagoela.
Amets gaiztorik?
Ezin ametsik egin.
Ze pertsonai historikoarekin hartuko zenuke kafe bat?
Groucho Marx-ekin.
Hiritik mugitzeko… Bizikleta, autobusa, tranbia, kotxea ala oinez?
Bizikleta lapurtu zidatenetik, oinez noa.