Maialen Berasategi
"Gaitz erdi". Esaldi biribila, bi erdiz osatua. Geldikeriaren harresi ala bizinahiaren akuilu? Zenbat da gaitz erdi bat?
Larritu gara azkenaldian Palestinan zatikatutako umeen albistearekin, baina jabetu gara zenbat zero-eremu dagoen munduan, eta gaitz erdi. Ez da ume askorik salbatuko gu jakinaren gainean egoteagatik, baina badugu haien zoritxarraren berri, ez gara ezjakin zikin batzuk, eta gaitz erdi.
Eskaintzen digute lan prekario bat lau sosaren truk, eta, horrekin, arras urrun geratzen gara duintasunaz dugun kontzeptu zerutarretik, baina okerragoa litzateke langabezia erabatekoa, eta, beraz, gaitz erdi, gaitz erdi.
Azterketa soziolinguistikoek esaten digute gero eta jende gehiagok dakigula euskaraz. Azterketa horiek berek esaten digute, ordea, gero eta gutxiago egiten dugula; mihian ez, baina buruan bai, buruan askok dugula euskara. Eta gaitz erdi.
“Gaitz erdi”. Esaldi biribila; baita korapilatsua ere, zinez lausotzen baitu konformatzearen eta etsitzearen arteko muga. Gogorarazten baitigu ezen –matematika gorabehera– gaitz erdi ugarik, elkarri gehituta, askoz indar handiagoa izaten dutela on oso batzuek baino.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide
