Neubat, Sorkun eta Ekon taldeko partaide izan da Libe García de Cortázar eta Izaki Gardenak taldearekin bi disko grabatu ditu azken urteotan. Hala ere, bere kantu propioak lantzeko denbora aurkitu, Joseba Ponceren laguntzarekin. Kanta horiek talde moduan landu eta moldatu ditu eskarmentu handiko musikariekin: Atxus (Neubat, Sorkun, Vicepresidentes) baxuan, Txus Villalabeitia (Same Old, Eh!) gitarran eta Eneko De Arza (Naüt, Trumbo) baterian. Emaitza: Ihesaldi Handia diskoa, Liberen aurreneko diskoa.Zaharraz Harro jaien barruan
Informazio gehiago: Libe 'Ihesaldi Handia'
Lokalean lauren artean ondo prestatu ondoren erabaki zuten Karlos Osinagaren gidaritzapean Bonbereneako estudioan sartzea, orain entzun ditzakegun hamaika kanta hauek grabatzera. Talde berri baten lehen lana bada ere, disko landu eta heldu baten aurrean gaude. Rock malenkoniatsu eta iluna, oinarri erritmiko sendoez lagundutako teklatu eta ahotsak direlarik nagusi. Doinu sendo eta indartsu bezain hauskorrak, denborarekin zeure egiten dituzun horietakoak; barru-barrutik sortutakoak eta barrenak astintzen dituztenak. Musikaren laguntzaz lur idor, mamu eta distantziaren argi-ilunetan murgiltzeko aukera aparta. Ihesaldi handi bat, urrunera eramango zaituena.