Horrez gain, udalak lehiaketari ematen zion diru-laguntza aurten Hiriburu Gastronomikoa sustatzeko erabiliko duela salatu du.
Urtero mundu osoko futbol jokalari gazteak biltzen zituen lehiaketak 19.edizioa ospatu behar zuen eta printzipioz ospatzea aurreikusita zegoen, izan ere, bere web gunean oraindik ikus daiteke aurtengo informazioa. Hala ere, Iñaki Egües lehiaketaren arduradunak ekimena bertan behera geratuko dela baieztatu dio hiriko komunikabide bati. “Egungo baldintzekin ez dugu lehiaketa antolatuko. Ez da bakarrik arrazoi ekonomiko bat, proiektuak babes falta dauka eta ez da behar bezala baloratzen”.
Javier Maroto alkateak, berriz, bere Twitter kontua erabiliz, honako hau adierazi du: “Hemendik gutxira argitaratuko den diru-laguntzen deialdira ez dira aurkeztu. Egiten badute, diru-laguntza jasoko dute”. Horrekin batera, aipatutako diru-laguntza soilik kirol proiektuak babesteko erabiliko direla azaldu du, “ez proiektu gastronomikoak babesteko”.